- Եվրոպացիներն ինչո՞ւ սկսեցին փնտրել դեպի Հնդկաստան տանող ծովային ուղիներ:
Հին ժամանակներից սկսած՝ Եվրոպան Հնդկաստանի և Չինաստանի հետ առևտուրն իրականացնում էր ցամաքային ուղիներով։ Թուրքական նվաճումների պատճառով դեպի Արևելք տանող ճանապարհները վտանգավոր էին։ Դա էր պատճառը, որ Եվրոպացիները սկսեցին ուղիներ փնտրել Հնդկաստանով։
- Ներկայացրեք Աշխարհագրական մեծ հայտնագործությունների նախադրյալները։
1.Զարգացավ ապրանքային արտադրությունը, և ապրանքների իրացման նոր շուկնարի կարիք էր զգացվում։
2.Անշեղորեն աճեց ոսկու, արծաթի և թանկարժեք քարերի պահանջարկը, որոնք և՛ առևտրի, և՛ հարստանալու միջոց էին։
3.Հաստատվեց Երկրի գնդաձևությունը, և իրատեսական դարձավ արևմուտքով Հնդկաստան հասնելը, որտեղ, եվրոպացիների պատկերացմամբ, անսահման հարստություն կար։
4.Կատարելագործվեցին ծովային քարտեզներն ու կողմնացույցը, կառուցվեցին հարմարավետ առագաստանավեր, և հնարավոր եղավ իրականացնել երկարատև նավարկություններ։
- Ե՞րբ է Կոլումբոսը հայտնաբերել Ամերիկան: Ո՞ւմ անունով է կոչվել այն, ինչո՞ւ:
1492 թ․ իսպանացիները կազմակերպեցին արշավախումբ, րը ղեկավարում էր Քրիստափոր Կոլումբոսը։ Նա համոզված էր, որ հասել է բաղձալի նպատակին, սակայն իրականում հայտնաբերել էր եվրոպացիներին անհայտ մի տարածք։ Իտալացի Ամերիգո Վեսպունչին առաջինը կռահեց, որ գտնված տարածքը Հնդկաստանը չէ։ Նրա անունով էլ կոչվեց Ամերիկա։
- 1498թ. ո՞վ և ծովային ի՞նչ ուղի հայտնագործեց:
1498 թ․ պորտուգալացի Վասկո դա Գամայի արշավախումբը, շրջանցելով Աֆրիկան, հայտնագործեց Հնդկաստան տանող ծովային ճանապարհը։
- Ո՞վ էր գլխավորում շուրջերկրյա առաջին ճանապարհորդությունը:
1519-1521 թթ․ Ֆերնան Մագելանի արշավախումբը կատարեց ծովային առաջին շուրջերկրյա ճանապարհորդությունը։
- Ի՞նչ անուն տվեց տեղաբնիկներին Կոլումբոսը, ինչո՞ւ:
Կոլումբոսը, կարծելով, թե հայտնագործել է Հնդկաստանը, նրանց անվանեց հնդկացիներ։
- Ացտեկների պետությունը ե՞րբ է ստեղծվել և ո՞ր տարածքում: Ո՞ւմ գլխավորությամբ են իսպանացիները գրավել Մեքսիկան:
Ացտեկներն ապրում էին Մեքսիկայի կենտրոնական և արևմտյան շրջաններում։ XV դարում նրանք միավորվեցին և ստեղծեցին իրենց պետությունը։ Այն իր հզորության գագաթնակետին հասավ Մոնթեսումայի կառավարման ժամանակ/1502-1520թթ․/։
Գրավումը տեղի է ունեցել Ֆերնան Կորտեսի գլխավորությամբ։
- Որտե՞ղ էին՝ ա) մայաների քաղաք- պետությունները, բ) Ինկերի պետությունը։
ա/Մեքսիկայի հարավում էին
բ/ժամանակակից Պերուի և Բոլիվիայի լեռնային շրջաններում
- Իսպանացի կոնկիստադորները ե՞րբ են գրավել ինկերի պետությունը:
1532-1536 թթ․ իսպանական կոնկիստադորները Ֆրանսիսկո Պիսարոյի գլխավորությամբ գրավեցին ինկերի պետությունը։
- Ի՞նչ նշանակություն է ունեցել Աշխարհագրական մեծ հայտնագործությունները:
Այսպիսով՝ աշխարհագրական մեծ հայտնագործությունների շնորհիվ եվրոպացիները մուտք գործեցին Ամերիկա, Աֆրիկա, Ավստրալիս և այլ տարածքներ։ Տարբեր աշխարհամասերի միջև սկսեցին ձևավորվել տնտեսական, քաղաքական, մշակույթային և այլ հարաբերություններ։ Այս հայտնագործությունները կապող օղակ դարձան միջին և նոր դարերի միջև։