Ահա և վերջ․․․։ Ավարտվեց ևս մեկ ճամբարային սիրուն հեքիաթ, որը լիքն էր ձեռքբերումներով ու ժպիտով։ Ճամբարը դասերի ընթացքում եղած այն հրաշալի ամիսն է, որի ընթացքում դու քեզ յուրովի ես բացահայտում և գտնում քեզ դպրոցում, ընկերներիդ մեջ։ Շատ նոր ու ջերմ հուշեր ավելացան, որոնք ամեն անգամ վերապրելիս ժպտում ես։ Ճամբարը տարբերվում է ուսումնական առօրյայից․ դու հավաքվում ես ընկերներիդ հետ մի ջոկատում և օրերն ավելի հիշվող դարձնում։
Ճամբարը նախագծային ամենախիտ ամիսն է, որտեղ ամեն օր նոր նախագիծ ես իրականացնում և շատ ճամփորդում ես։ Ամենաշատը հավանել եմ <<Բջջային հավելվածների ուսումնասիրություն>> նախագիծը։ Նախագծի շրջանակներում այցելել ենք Արևելյան և Արևմտյան դպոցներ, կրտսեր ճամբարականներին սովորեցրել տարբեր ծրագրեր՝ կապված բույսերի և անատոմիայի հետ։ Թեև ամեն ինչ հրաշալի էր, բայց կային նախագծեր և ճամփորդություններ, որոնք չհասցրինք իրականացնել։ Դրանք նաև սպասելիքներ էին, որոնք չարդարացան։ Չենք հասցրել իրականացնել խոհանոցային գործունեություն, ինչպես նաև եռօրյա ճամփորդություն դեպի Հայաստանի հեռավոր անկյուններ։